ပြည်ထောင်စုငြိမ်းချမ်းရေးညီလာခံ -စီးပွားရေးကဏ္ဍ- အခွန်နှင့် ပြည်သူ့ဘဏ္ဍာခွဲဝေမှုခေါင်းစဉ်ဖြင့် ကျင်းပသော ဆွေးနွေးပွဲ

ပြည်ထောင်စုငြိမ်းချမ်းရေးညီလာခံ
(တတိယနေ့နှင့် စတုထ္ထနေ့)
ဇန်နဝါရီလ၁၄- ၁၅ ရက်၊ ၂၀၁၆
MICC II
စီးပွားရေးကဏ္ဍ- အခွန်နှင့် ပြည်သူ့ဘဏ္ဍာခွဲဝေမှုခေါင်းစဉ်ဖြင့် ကျင်းပသော ဆွေးနွေးပွဲ
ဆွေးနွေးပွဲသို့ တက်ရောက်ခဲ့ကြသော အစိုးရအစုအဖွဲ့၊ လွှတ်တော်အစုအဖွဲ့၊ တပ်မတော်အစုအဖွဲ့၊ တိုင်းရင်းသားလက်နက်ကိုင်အဖွဲ့ ကိုယ်စားလှယ်များအစုအဖွဲ့၊ နိုင်ငံရေးပါတီများအစုအဖွဲ့၊ တိုင်းရင်းသား အဖွဲ့အစည်းများအစုအဖွဲ့နှင့် အခြားဖိတ်ကြားသင့်သော ပုဂ္ဂိုလ်များအစုအဖွဲ့ဟူ၍ အစုအဖွဲ့ပေါင်း ၇ ဖွဲ့မှ ကို်ယ်စားလှယ်ပေါင်း ၁၁၁ ဦးတက်ရောက်၍ ဆွေးနွေးခဲ့ကြခြင်းဖြစ်သည်။ သက်ဆိုင်ရာ အစုအဖွဲ့များမှ ဆွေးနွေးချက်စာတမ်းများကိုလည်း တင်သွင်းကြပါသည်။
ဆွေးနွေးချက်များတွင် အစုအဖွဲ့တစ်ခုနှင့်တစ်ခု တစ်ထပ်တည်းမကျသော်လည်း အခြေခံရမည့်မူများနှင့် ရည်ရွယ်ချက်လားရာများတူညီကြကြောင်း တွေ့ရှိရသည်။ လက်ရှိစီးပွားရေးကဏ္ဍအောက်ရှိ အခွန်အခနှင့် ဘဏ္ဍာငွေခွဲဝေရေးလုပ်ငန်းစဉ်များကို အကောင်အထည်ဖော်ဆောင်ရွက်ရာတွင် ထိပ်တိုက်ရင်ဆိုင်သည့် နည်းလမ်းကိုအခြေမခံပဲ ဤညီလာခံကြီး၏ ရည်ရွယ်ချက်အတိုင်း တွေ့ဆုံဆွေးနွေး၊ ညှိနှိုင်းအဖြေရှာမှု နည်းလမ်းကိုသာ အခြေခံပြီး ရှေ့ဆက်ဆောင်ရွက်သွားရန် အားလုံးမှ ဆွေးနွေးတင်ပြကြပါသည်။ ထိုဆွေး နွေးချက်များကို အောက်ပါအတိုင်းမှတ်တမ်းတင်ထားရှိပါသည်။ အစုအဖွဲ့များအားလုံးကထည့်သွင်းဆွေးနွေးကြသော အခြေခံမူများ
- ၂၀၀၈ ဖွဲ့စည်းပုံအခြေခံဥပဒေကို အစမှတ်အဖြစ်အသိအမှတ်ပြု၍ ‘ဖက်ဒရယ်စနစ်ကို အခြေခံသော ပြည်ထောင်စု’ ကိုတည်ဆောက်ရန် - လုပ်ငန်းစဉ် (Process) တစ်ခုအဖြစ်ရှုမြင်ပြီး ဆွေးနွေးညှိနှိုင်းခြင်း၊ လက်တွေ့စမ်းသပ်ကျင့်သုံးခြင်းနှင့် ပြန်လည်သုံးသပ်ခြင်းဟူသော ပုံစံဖြင့် ပိုမိုတိုးတက်ကောင်း မွန်လာအောင်ဆောင်ရွက်ရန်
- တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် (Nationwide Ceasefire Agreement) ပါ အခြေခံမူ အခန်း ၁ (က) တွင် ဖော်ပြထားသည့်အတိုင်း ဖက်ဒရယ်စနစ်ကို အခြေခံစဉ်းစားရန် - တိုင်းရင်းသားစည်းလုံးညီညွှတ်မှုအခြေခံဖြင့် ဆောင်ရွက်ရန် - တန်းတူညီမျှမှုကို ရှေ့ရှုရန်
- ရေရှည်တည်တံ့သော ဖွံ့ဖြိုးတိုးတက်မှုကို ရှေ့ရှုရန်
- ပြည်နယ်/တိုင်းဒေသကြီးများမှ မြေနှင့် သယံဇာတများအပါအဝင်သဘာဝအရင်းအမြစ်များနှင့်ပတ်သက်သည့် အကျိုးခံစားခွင့်နှင့် စီမံခန့်ခွဲခွင့်များ ရရှိစေရန် ထိုမူဝါဒများကို လက်တွေ့ ဆုံးဖြတ်ဆောင်ရွက်ရာတွင်လည်း ပြည်နယ် / တိုင်းေ ဒသကြီးများ၏ မတူညီသော ပထဝီအနေအထား၊ အခြေခံအဆောက်အဦများအခြေအနေ၊ လူဦးရေ၊ သယံဇာတထွက်ရှိမှု၊ ပညာရေး၊ စီးပွားရေးနှင့် လူမှုရေး နောက်ခံအခြေအနေများ၊ စီးပွားရေးဖွံ့  ဖြိုးမှုကွာဟ၊ နောက်ကျကျန်ခဲ့သည့်အနေအထား များကိုပါထည့်သွင်းစဉ်းစားပြီး ဆင်းရဲချမ်းသာကွာဟမှုကို လျော့နည်းပပျောက်သွားစေရန် ဆောင်ရွက်သင့် သည်။ ထို့  ပြင်သင့်လျော်သောနိုင်ငံတကာအတွေ့  အကြုံများကို ပါလေ့လာပြီးမြန်မာနိုင်ငံ၏ ထူးခြားသော ဝိသေသများနှင့် နှိုင်းယှဉ်ချိန်ထိုး၍ ဆောင်ရွက်သင့်ပါသည်။ ပေါ်လွင်ထင်ရှားသော အကြံပြုချက်များ
၁။ ၂၀၀၈ ခုနှစ် ဖွဲ့စည်းပုံအခြေခံဥပဒေမှ ပြည်ထောင်စု ဥပဒေပြုစာရင်း ဇယား ၁၊ ပြည်နယ်နှင့် တိုင်းဒေသကြီး ဥပဒေပြုစာရင်း ဇယား ၂၊ ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရဒေသ ဦးစီးအဖွဲ့၏ ဥပဒေပြုစာရင်း ဇယား ၃ နှင့် တိုင်းဒေသကြီး သို့မဟုတ် ပြည်နယ်များက ကောက်ခံရမည့် အခွန်အခများ ဇယား ၅ ကို ညှိနှိုင်းဆွေးနွေးပြီး အခွန်ကောက်ခံပိုင်ခွင့်များနှင့် ဘဏ္ဍာငွေခွဲဝေမှုဆိုင်ရာ ကိစ္စရပ်များကို ညှိနှိုင်း ပြီး ပြည်နယ်နှင့် တိုင်းဒေသကြီးများမှ ဥပဒေများပြဌာန်း၊ အကောင်အထည်ဖော်ဆောင်ရွက်ခွင့်များကို သတ်မှတ်ပေးရန် ၂။ မက်ခရိုစီးပွားရေးမူဝါဒများ၊ ဘဏ္ဍာရေးမူဝါဒများနှင့်စီမံခန့်ခွဲမှု အပါအဝင် ပြည်သူ့ဘဏ္ဍာငွေစီမံခန့်ခွဲမှုစနစ်ကို ကောင်းမွန်အောင် တည်ဆောက်ရန်နှင့် ပွင့်လင်းမြင်သာမှုရှိအောင်ဆောင်ရွက်ပေးရန် ၃။ အခွန်ကောက်ခံမှု၊ ဘဏ္ဍာငွေခွဲဝေမှုနှင့်ဆိုင်သော ဥပဒေ၊ နည်းဥပဒေနှင့် လုပ်ထုံးလုပ်နည်းများအားလုံးကို ပြန်လည်သုံးသပ်ပြီး လိုအပ်သလိုပြင်ဆင်ရေးဆွဲပြဌာန်းရန်
၎။ အုပ်ချုပ်ရေးကဏ္ဍနှင့် ဘဏ္ဍာရေးကဏ္ဍဗဟိုချုပ်ကိုင်မှု လျှော့ချရေးလုပ်ငန်းစဉ်ကို ထိရောက်စွာ ဆောင်ရွက်ရင်း အခြေခံဥပဒေပါ ကိုယ်တိုင်စီမံပြဌာန်းဆောင်ရွက်ခွင့်ကို ရရှိအောင်ဆောင်ရွက်ပေးရန်
၅။တန်းတူညီမျှမှုနှင့်ရေရှည်ဖွံ့ဖြိုးတိုးတက်ရေးကိုဖော်ဆောင်နိုင်မည့်အခွန်စနစ်နှင့်ဘဏ္ဍာငွေခွဲဝေမှုစနစ်များ ဖြစ်လာအောင်ဆောင်ရွက်ရန် ၆။ တိုင်းဒေသကြီး/ပြည်နယ်အဆင့်တွင် ဖွဲ့စည်းပုံအခြေခံဥပဒေ ဇယား (၂) နှင့် (၅) ပါ ကဏ္ဍရပ်များအတွက် အခွန် ကောက်ခံမှုလုပ်ငန်းများကိုဆောင်ရွက်ရန် သီးသန့်ဥပဒေများပြဌာန်းနိုင်ခြင်းမရှိသေးသောကြောင့် လိုအပ်သော ဥပဒေဆိုင်ရာ အင်စတီကျူးရှင်းများ၊ သီးခြားလွတ်လပ်သော စီးပွားရေးအင်စတီကျူးရှင်းများ ပေါ်ပေါက်လာ အောင် ဆောင်ရွက်ရန် ၇။ ပြည်နယ်/တိုင်းဒေသကြီးများ၏ ဥပဒေပြုခွင့်အာဏာနှင့် ဥပဒေအကောင်အထည်ဖော်မှုစွမ်းဆောင်ရည်ကို မြှင့်တင်ပေးရန်
၈။ ပြည်နယ်/တိုင်းဒေသကြီးအတွင်းရှိ အစိုးရအဖွဲ့အစည်း အဆင့်ဆင့်နှင့် ဒေသန္တရအဖွဲ့အစည်းများ အတွက် လည်း တိကျခိုင်မာသော စီမံအုပ်ချုပ်မှုအာဏာခွဲဝေ ထားရှိမှုများပြုလုပ်ရန် ၉။ စုစုပေါင်းအခွန်ကောက်ခံရရှိမှု Tax Base ကိုတိုးချဲ့နိုင်ရန်အတွက် ကြိုးပမ်းဆောင်ရွက်ရန်
၁၀။ ပြည်နယ်/တိုင်းဒေသကြီးများသို့ ဘဏ္ဍာငွေခွဲဝေရာတွင် လူဦးရေအခြေခံ၊ ပထဝီအခြေခံ၊ ၀င်ငွေအခြေခံ၊ စွမ်းဆောင်ရည်အခြေခံနည်းများ ကိုစဉ်းစားရွေးချယ်ရမည့်အပြင် စီးပွားရေးအခွင့်အလမ်းမတူညီသော ပြည်နယ်/တိုင်းဒေသကြီးများအချင်းချင်းကြား မျှတစွာခွဲဝေနိုင်ရေးအတွက် Horizontal & Vertical Equalization ကိုကျင့်သုံးရန်နှင့် ယင်းသို့ ဘဏ္ဍာငွေခွဲဝေရာတွင် ပြည်နယ်/တိုင်းဒေသကြီးများအချင်းချင်း မတူကွဲပြားမှုများကြောင့် ဘဏ္ဍာငွေခွဲဝေမှုအထူးအစီအစဉ်များဖြင့် အကောင်အထည်ဖော်ဆောင်ရွက်ရန် (ဥပမာ- အမေရိကန်ပြည်ထောင်စုတွင် သုံးသည့် Unique Revenue Sharing Scheme ပုံစံမျိုးဆောင်ရွက်ရန်) ၁၁။ အခွန်ကောက်ခံမှုနှင့် ဘဏ္ဍာငွေခွဲဝေမှုကိစ္စများတွင် ပွင့်လင်းမြင်သာမှု၊ တာဝန်ခံမှု၊ တာဝန်ယူမှုများ ကိုဆောင်ရွက်ရာ၌ နိုင်ငံတကာစံချိန်စံညွှန်းများနှင့် အညီဖြစ်စေအောင်ဆောင်ရွက်ရန်နှင့် ယင်းသို့ ဆောင်ရွက်ရာတွင် တာဝန်ခံမှုကိုအာမခံနိုင်ရန်အတွက် သီးခြား လွတ်လပ်သော စာရင်းစစ်အဖွဲ့များ ဖြင့်ဆောင်ရွက်ရန် ၁၂။ အခွန်ကောက်ခံမှုနှင့် ဘဏ္ဍာငွေခွဲဝေမှုကိစ္စများကို ပြည်သူလူထုများအားလုံး သိရှိနားလည်အောင် ဆောင်ရွက်ပေးရန် (ဥပမာ- အခွန်ကောက်ခံသောဝန်ထမ်းများနှင့် အခွန်ပေးဆောင်သူများအကြား ပိုမို ထိတွေ့မှုများရှိလာအောင် ဆောင်ရွက်ပေးရန်) ၁၃။ ဘဏ္ဍာရေးကဏ္ဍဗဟိုချုပ်ကိုင်မှုလျှော့ချခြင်းကြောင့် လက်ရှိ တိုင်းဒေသကြီး/ပြည်နယ်များအကြား ရှိနေသော ဆင်းရဲချမ်းသာကွာဟမှုများကို ပိုမိုဆိုးရွားမသွားစေရန်ကိုလည်း အထူးသတိပြုပြီး ဆောင်ရွက်ရန်
၁၄။ လူ့စွမ်းအားအရင်းအမြစ် မလုံလောက်မှုများမှာ အစိုးရအဖွဲ့ အဆင့်ဆင့်တွင်ရှိနေသည်မှာမှန်သော်လည်း တစ်ဖက်တွင် ရှိပြီးသားအရင်းအမြစ်များကိုပင် အပြည့်အ၀အသုံးမချနိုင်သေးသဖြင့် ထိထိရောက်ရောက်အသုံး ချနိုင်အောင်ဆောင်ရွက်ရန်၊ လူ့အရင်းအမြစ်နှင့် စွမ်းရည်မြှင့်တင်ရေးလုပ်ငန်းများဆောင်ရွက်ရန်နှင့် လူသား အရင်းအမြစ်ဖွံ့ဖြိုးရေးကို ဗဟိုချုပ်ကိုင်မှုလျှော့ချသည့် လုပ်ငန်းစဉ်နှင့် ကိုယ်ပိုင်ပြဌာန်းခွင့်နှင့် အာဏာခွဲဝေပေး မှုလုပ်ငန်းစဉ်များနှင့် အပြိုင်ဆောင်ရွက်ရန် ၁၅။ ရှိရင်းစွဲ အရင်းအမြစ်များကို ခွဲဝေမှုသက်သက်ကိုသာအာရုံမစိုက်ပဲ ပြည်နယ်/တိုင်းဒေသကြီး အသီးသီးရှိ စီးပွားရေးကဏ္ဍများ ပိုမိုကြီးမားကျယ်ပြန့်လာပြီး အခွန်အရင်းအမြစ်များ များပြားလာအောင်ဆောင်ရွက်ရန်
(က) ယင်းသို့ဆောင်ရွက်ရာတွင် ကုန်ကြမ်းများကို ကုန်ချောအဆင့်ဆင့်ထုတ်သည့်လုပ်ငန်းစဉ် Value added process ကိုတိုးတက်လာအောင်ဆောင်ရွက်ရန်
(ခ) ရင်းနှီးမြှပ်နှံမှုများကို ဆွဲဆောင်ရာတွင် အခွန်လျှော့ပေါ့သည့် နည်းလမ်းတစ်ခုတည်းသာ မကျင့်သုံးပဲ အခြားမက်လုံးများကို လည်းဖန်တီးပေးခြင်းနှင့် အခြေခံအဆောက်အဦများ ဖွံ့ဖြိုးအောင်ဆောင်ရွက်ခြင်းတို့ကို ဆောင်ရွက်ရန် (ဂ) ယခင်အစိုးရများလက်ထက်တွင် အခြေအနေကြောင့် ခရိုနီအရင်းရှင်စီးပွားရေးအောက်တွင် အခွင့်အလမ်း ကောင်းများရရှိခဲ့သော လုပ်ငန်းကြီးများတွင် စုဆောင်းရောက်ရှိနေသော အရင်းအနှီးငွေများကို ပြည်နယ်နှင့် တိုင်းဒေသကြီးစီးပွားရေးကဏ္ဍများဖွံ့ဖြိုး တိုးတက်လာ စေရေးအတွက် ဥပဒေနှင့်အညီ မှန်မှန်ကန်ကန်ရင်းနှီး မြှပ်နှံလုပ်ကိုင်နိုင်အောင် ဆောင်ရွက်ပေးရန် ၁၆။ အခွန်ကောက်ယူရာတွင်လည်း အခွန်အပြည့်အ၀မပေးဆောင်သူ၊ အခွန်ရှောင်သူနှင့် အခွန်ကောက်ခံသူ ၀န်ထမ်းများအပါအ၀င် အဂတိလိုက်စားမှုနှင့်ဆက်စပ်သော သူအားလုံးကို ထိထိရောက်ရောက်အရေးယူ ဆောင်ရွက်ရန် ၁၇။ ၀င်ငွေအမှန်ရရှိသူများနှင့် ငွေကြေးခ၀ါချသူများအား ၀င်ငွေခွန်ကောက်ခံရာတွင် တပြေးညီနှုန်းထားဖြင့် တန်းတူကောက်ခံနေခြင်းကို ပယ်ဖျက်၍ တရားမျှတမှုရှိသော နှုန်းထားများဖြင့် ပြင်ဆင်ကောက်ခံရန်
ပထမအကြိမ် ပြည်ထောင်စုငြိမ်းချမ်းရေးညီလာခံ၏ စီးပွားရေးကဏ္ဍ (အခွန်ကောက်ယူခြင်းနှင့် ပြန်လည်ခွဲ ဝေခြင်း) မှ ဆွေးနွေးအကြံပြုတင်ပြချက်များကို ထိရောက်အောင်မြင်စွာ ရေးဆွဲပြဌာန်း၊ အကောင်အထည် ဖော်ဆောင်ရွက်နိုင်ရေးအတွက် တစ်နိုင်ငံလုံးအတိုင်းအတာဖြင့် ရေရှည်တည်တံ့သော ငြိမ်းချမ်းရေးရရှိရန် အရေးကြီးကြောင်းအလေးအနက်ထားပြီး တင်ပြအပ်ပါသည်။
=======================================